മുട്ടേണ്ട, വാതില്‍ തുറക്കില്ല
മുട്ടുന്നതാരെന്നറിയാതെ.
പേപിടിച്ചോടുന്ന കാറ്റോ,
പിശാചോ
പാതകം ചെയ്യാനൊരുങ്ങിപ്പുറപ്പെട്ട
കൂലിക്കെടുത്ത കൊലയാളിനായ്ക്കളോ,
പാത പിഴച്ചൊരു പാന്ഥനോ,
യാച്ചകപ്പരിഷയോ,
ചോരനോ,
ചോരനെത്തേടിയിറങ്ങിയ പൊലിസുകാരനോ,
പക്കത്തെവീട്ടിലെപ്പാര്‍ട്ടിയോ,
വീതം പിരിക്കാനിറങ്ങിയ കടക്കാര്‍ഡു ബ്രോക്കറോ?
ജോലിയും ജാതിയും നാളും മുഹൂര്‍ത്തവും
യോജിച്ചുവന്നാല്‍ കഴിക്കാം വിവാഹമെ-
ന്നൌദാര്യപൂര്‍വ്വം മൊഴിഞ്ഞവന്‍
കാമുകന്‍ തെണ്ടിയോ?
ആണ്‍കോയ്മതന്നഹങ്കാരം സഹിക്കാതെ
ആത്മാഹുതിചെയ്ത ലെസ്‌ബിയന്‍ മിത്രമോ?
കാവിയില്‍ കാമമൊളിപ്പിച്ച സ്വാമിയോ?
ആരാണു മുട്ടുന്നു വാതിലില്‍?
കാലം കടുംകലികാലം;
കണ്ണില്‍ പ്പെടുന്നതും, കാലില്‍തൊടുന്നതും
കാതില്‍വീഴുന്നതുമെല്ലാം
അപായം, ഭയാവഹം.
കൊട്ടിയടച്ചതാം വാതിലിനിപ്പുറം
മുട്ടുമാരെങ്കിലുമെന്ന ഭയപ്പാടില്‍
മുട്ടുവിറച്ചിരിക്കുന്നു ഞാന്‍, ഏകാകി...
മുട്ടേണ്ട, വാതില്‍ തുറക്കില്ല
മുട്ടുന്നതാരെന്നറിഞ്ഞുവെന്നാകിലും.
മുട്ടുന്നതാരെന്നറിയാതെ.
പേപിടിച്ചോടുന്ന കാറ്റോ,
പിശാചോ
പാതകം ചെയ്യാനൊരുങ്ങിപ്പുറപ്പെട്ട
കൂലിക്കെടുത്ത കൊലയാളിനായ്ക്കളോ,
പാത പിഴച്ചൊരു പാന്ഥനോ,
യാച്ചകപ്പരിഷയോ,
ചോരനോ,
ചോരനെത്തേടിയിറങ്ങിയ പൊലിസുകാരനോ,
പക്കത്തെവീട്ടിലെപ്പാര്‍ട്ടിയോ,
വീതം പിരിക്കാനിറങ്ങിയ കടക്കാര്‍ഡു ബ്രോക്കറോ?
ജോലിയും ജാതിയും നാളും മുഹൂര്‍ത്തവും
യോജിച്ചുവന്നാല്‍ കഴിക്കാം വിവാഹമെ-
ന്നൌദാര്യപൂര്‍വ്വം മൊഴിഞ്ഞവന്‍
കാമുകന്‍ തെണ്ടിയോ?
ആണ്‍കോയ്മതന്നഹങ്കാരം സഹിക്കാതെ
ആത്മാഹുതിചെയ്ത ലെസ്‌ബിയന്‍ മിത്രമോ?
കാവിയില്‍ കാമമൊളിപ്പിച്ച സ്വാമിയോ?
ആരാണു മുട്ടുന്നു വാതിലില്‍?
കാലം കടുംകലികാലം;
കണ്ണില്‍ പ്പെടുന്നതും, കാലില്‍തൊടുന്നതും
കാതില്‍വീഴുന്നതുമെല്ലാം
അപായം, ഭയാവഹം.
കൊട്ടിയടച്ചതാം വാതിലിനിപ്പുറം
മുട്ടുമാരെങ്കിലുമെന്ന ഭയപ്പാടില്‍
മുട്ടുവിറച്ചിരിക്കുന്നു ഞാന്‍, ഏകാകി...
മുട്ടേണ്ട, വാതില്‍ തുറക്കില്ല
മുട്ടുന്നതാരെന്നറിഞ്ഞുവെന്നാകിലും.
സി.എം.രാജന്‍.
Posts
No comments:
Post a Comment